Chumoli: Bu galvarslar aynan bizning yo’limizdan boshqa erga uy qurishga joy topisholmagan, shekilli.

Shilliqurt: Chumolilar – qalang’i-qasang’i. Buni qarangki, ular dunyoni buyuk shilliqurt bishqaraytganini xatto bilishmaydi.

Xo’roz: Hali tong otmagan, chunki men hali xabar berganim yo’q!

Chumchuq: Bulbul – buyuk qush. Ammo biz chumchuqlar xiylagina ko’pmiz.

Xalqaro bitim: Biz, quyonlar tovuqlar bilan bir-birimizni emaymiz, deb bitim tuzdik. Ko’raylikchi, qarchig’ay bunga nima der ekan?

Changalzordagi ikki yo’lbars: Biz tinchlik manfaati uchun uchrashdik va shunday biimga kelishdikki, endi birga ov qilamiz.

Tulki: Jamiki maxluqlar uch toifaga bo’linadi: dushmanlar, raqiblar va o’lja.

Baqa: Taraqqiyotmi? Ha, bilaman, bilaman. Mana, masalan, men bor-yo’g’i itbaliq edim.

Pashsha: Suratdagi dog’larni ko’ryapsizmi? Bu mening ishim, men ham rassomman.

Echki: Bo’rilar bilan tinch-totuv yashasak, dunyoda osoyishtalik bo’lardi.

Ho’kiz: Men aytayotibman-ku, kiyiklarni boshingizga urasizmi?!

Bog’langan echki: Dunyo shuncha ham tor bo’ladimi?

Deraza oynasidagi pashsha: Hayot chegarasi qaerda ekanini endi bildim.

Chumchuq: Ko’ryapsizmi, bahor kelishi uchun qancha chirqillashga to’g’ri kelyayotibdi?!

Madaniylashgan kalamush: Qishloqda men nima ham qilardim? U erda hatto meg’zava oqadigan quvurlar ham yo’q.

Bo’ri: Qo’chqorning niyati yomon edi – u mendan yashirinmoqchi bo’ldi.

Sichqon: Mushuk chumchuqni ushlab oldi, endi biz qo’rqmasak ham bo’ladi.

Sassiq qo’ng’iz: Hayot bir qonun asosida davom etmoqda. Dunyodagi hikmat bitta. Donishlamndlik ham bitta: qattiq bo’lish.

Bir kunlik kapalak: Yuz yoshli toshbaqa! Qanday qilib bu qadar qoloq bo’lish mumkin?!

Xazon: Zamonning talabimi? Bilamiz: yelda pildirash kerak.

Qo’shni: Bu Arximed deganlari qo’rqoq va sotqin. Bizning shaxarga dushman bostirib kelayotibdi-yu, u bo’lsa, chizma-chizig’i bilan ovora.

Yangi avlod:
- Yoshlarga yo’l bering!
- Necha yilga?
- Salkam ellik yil kifoya qiladi.

Diplomatiya: Biz, albatta, zo’ravonlikni qoralaymiz, ammo qurol-yarog’ yetkazib berishga tayyormiz.

O'z navbatida kishi xotirasi juda ko‘p omillarga bog‘liq ekanini ham unutmaslik lozim. Kimdir ko‘rganini, kimdir eshitganini yaxshiroq eslab qoladi. Shuningdek, kishi xotirasida qiziqqan narsasi tezroq o‘rnashadi. Ba'zan esa ma'lum hissiy kechinmalar unutilgan voqealarni qayta jonlantirgan holatlar uchrab turadi. Hatto til o‘rganishga qobiliyati yo‘q, deb hisoblangan kishilar begona mamlakatga tushib qolganida, xotiralaridagi yangi qirralar kashf etilgani ham tajribalarda o‘z isbotini topgan.

Kaliforniya universiteti tadqiqotchisi doktor Marion Daymond miya faoliyati ustida izlanishlar olib borib «Insonning qarishi xotiradagi hujayra bog‘larini yo‘qotmaydi», degan xulosaga keldi. Boshqa tadqiqotlar natijasi ham bu fikrni qo‘llab-quvvatlamoqda. Hatto, agar miya davomli ravishda ishlab, ta'limga yo‘nalib tursa, hujayralararo bog‘lar zichligi yanada mustahkamlanishi xususida qarashlar mavjud. Yetmish, sakson yoshli qariyalar bilan olib borilgan tadqiqotlarda aqliy faoliyatning turli davrlarida e'tiborga loyiq natijalarga erishish mumkin ekani isbotlangan.