Название: Apple musiqachilar uchun ijtimoiy tarmoq ishga tushirmoqchi ekani xabar qilindi
 Гость
 24.08.2017
 Просмотры: 269
Katta ehtimol bilan Apple Music nomini oladigan Apple’ning yangi striming musiqa xizmati ijrochilar uchun ijtimoiy tarmoqni ham o‘z ichiga oladi. Bu haqda, sanoatdagi manbalarga asoslanib, 9to5Mac portali xabar bermoqda.

Foto: Zumapress / Global Look

Foto: Zumapress / Global Look

Musiqachilar ijtimoiy tarmoqda o‘z sahifalarini ochib, u yerda, misol uchun, qo‘shiqlardan namunalarni, fotosuratlar, videokliplar yoki konsertlarning anonslarini joylashtirishlari, shuningdek, hamkasblarining ijod namunalarini baham ko‘rishlari mumkin. O‘z navbatida, tinglovchilar iTunes’dagi akkuantdan foydalangan holda yulduzlarning xabarlariga izoh qoldirishlari, ularni “layk” qilishlari mumkin. Ayni vaqtda, tinglovchilar ijtimoiy tarmoqda ijrochilarnikidek sahifalarni ocha olishmaydi.

Apple o‘zining yangi servisini iyun oyi oxirida ishga tushirishni rejalashtirmoqda, loyihaning ilk taqdimoti 8 iyun kuni WWDC konferensiyasida bo‘lib o‘tishi kutilmoqda. Taxminlarga ko‘ra, Apple Music pullik xizmat bo‘ladi, biroq, ilk ishga tushgan vaqtida sinov tariqasida foydalanish uchun bepul versiyasi ham taklif qilinadi.

Всего комментариев: 0
Добавлять комментарии могут только зарегистрированные пользователи.
[ Регистрация | Вход ]