Қориндаги санчиқлардан қутилишнинг 5 та усули

Ҳар бир она боласида қорин санчиғи қўзғаганида фарзандига қандай ёрдам бериш мумкинлигини билишни жуда истайди, албатта. Бироқ қорин санчиғининг олдини олса бўлади.

ОВҚАТДАН ОЛДИН
Болани овқатлантиришдан олдин, уни йўргак столига ёки бошқа қаттиқ юзали жойга қорни билан ётқизинг. Бу билан кичкинтойнинг организмига ичакнинг овқатни "чиқиш жойига” суриш қобилиятини машқ қилдиришга, қориннинг олд девори мушакларини мустаҳкамлашга ҳамда овқат ҳазм қилиш ва асаб тизимлари ўртасидаги ўзаро алоқани тезроқ йўлга қўйишга ёрдам берган бўласиз. Охиргиси жуда муҳим, чунки организмдаги кўпгина жараёнларни бошқарувчи болалар асаб тизимининг айнан яхши ривожланмаганлиги қоринда санчиқлар пайдо бўлишининг сабабларидан бири ҳисобланади. Бу пайтда кичкинтойингиз билан 10-20 дақиқа ўйнанг ва уни уқалаб қўйинг.

ОВҚАТЛАНТИРИШ ПАЙТИДА
Гўдакнинг ошқозонига ортиқча ҳаво кирмаслигини назорат қилинг. Бу юз бермаслиги учун чақалоқ она кўкрагининг нафақат учини, балки унинг бутун атрофини ушлаб олиши керак. Сутли аралашмани эмадиган болаларга эса, кичикроқ тешикли сўрғич лозим бўлади.

ОВҚАТДАН СЎНГ
Гўдакни елкангизга қучган ҳолда 15-20 дақиқа тик ушлаб туринг, бунда ортиқча ҳаво ташқарига чиқиб кетади.


АГАР БОЛАДА ҚОРИН САНЧИҚЛАРИ ҚЎЗҒАГАН БЎЛСА,

а) Болани йўргак столи ёки тиззангизга ётқизиб қорнини уқаланг: уни илиқ кафтингиз билан соат мили бўйлаб силанг.

б) Боланинг оёқларини эҳтиёткорлик билан тиззасидан букинг ва уларни қорнига олиб боринг, кейин тўғри қўйинг. Бу машқни бир неча бор такрорланг.

в) Бир неча қават қилиб тахланган фланель ёки пахмоқ йўргакни дазмол ёрдамида иситинг.

Кичкинтойни каравотга ёки тиззангизга ётқизинг, йўргак жуда иссиқ эмаслигига ишонч ҳосил қилгандан кейин, уни боланинг қорнига қўйинг. Илиқ йўргак ичак деворлари мушакларидаги сиқилишни олиб ташлашга ва санчиқларни енгиллаштиришга ёрдам беради.

ДИҚҚАТ!
Қорнида тез-тез санчиқ турадиган болаларнинг оналари ўсимлик бириктирувчи тўқималарига бой маҳсулотларни (масалан, узум, жавдар унидан тайёрланган нон, қуруқ мевалар, карамнинг ҳар хил турлари) камроқ истеъмол қилишлари лозим.

html-cсылка на публикацию
BB-cсылка на публикацию
Прямая ссылка на публикацию